HANNI

HANNI - Johannes Oldsen än e Friesisch-Schleswigscher Verein

1923, for jüst hunert iir, wörd önj Nord-Lunham e Friisk Foriining grünläid, jütid nuch uner di noome Friesisch-Schleswigscher Verein. Inisjaator än jarsten formoon wus di stridbååre schriwer Johannes Oldsen.

For e äädergrün foon e gränsoufstiming 1920 nüm hi en pro-dånsch posisjoon in, såch da frasche ouers likes as en äin följk önj, wat wider dånsch nuch proisisch-tjüsch as. Deerma stöö hi mååst, ouers duch ai gåns åliin önj Nordfraschlönj. Hååded, bespüted än tum diilj ma beruufsferbood beläid, behül´r likes sin posisjoon ma stäljnen wale önj e tid twasche twäär wråålskreege. En tid, weer en äin hüüljing ai ünfåårlik wus. Diling en grut forbil for maning nasjonååle frasche wus ouers uk en Hanni ai fri foon följkisch tånken än et ouflaanien foon ålet, wat fråmd as.

Önj en multimedial än eksperimentäl produksjoon wal et Nordfriisk Teooter wat jåcht aw di stridbååre frasche smite, suner huum et diling flicht goornån gödjkånden fraschen följkensfloose jäif.

E forstalinge fine stää önj en mååst ünferanerd wärkstää üt e 1920er iirnge önj Naibel. Ouerdåt üt plåås- än sääkerhäidsgrüne ai maning stoule apstald wårde koone, san e tickets pro forstaling begränsed. Önj e wärkstää jeeft et niinj hüüschne unti oudere sanitääre inruchtinge. Besäkere san baded än njüt öfentlike inruchtunge tacht bai unti et dånsch fersoomlingshüs (Osterweg 63).

Bestal din koord (10€) bai: info@teooter.de

Apfääringsstää: Legerader Weg 5b, Naibel

Parkplååse jeeft et långs e Osterweg än bait Dånsch Schölj (Osterweg 67)

Hinweis: Die Produktion enthält zum Teil verstörende Bilddokumente und ist daher nicht für Kinder geeignet! Es gibt keine deutschen Übertitel.